This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian  

10.202   திருமூலர்   திருமந்திரம் -

கருத்துறை அந்தகன் றன்போல் அசுரன் வரத்தின் உலகத் துயிர்களை எல்லாம் வருத்தஞ்செய் தானென்று வானவர் வேண்டக் குருத்துயர் சூலங்கைக் கொண்டுகொன் றானே.	[ 1]
கொலையிற் பிழைத்த பிரசா பதியைத் தலையைத் தடிந்திட்டுத் தான்அங்கி யிட்டு நிலையுல குக்கிவன் வேண்டுமென் றெண்ணித் தலையை யரிந்திட்டுச் சந்திசெய் தானே.	[ 2]
எங்கும் பரந்தும் இருநிலந் தாங்கியும் தங்கும் படித்தவன் தாளுணர் தேவர்கள் பொங்கும் சினத்துள் அயன்தலை முன்னற அங்கச் சுதனை உதிரங்கொண் டானே.	[ 3]
எங்கும் கலந்தும்என் உள்ளத் தெழுகின்ற அங்க முதல்வன் அருமறை யோதிபாற் பொங்குஞ் சலந்தரன் போர்செய்ய நீர்மையின் அங்கு விரற்குறித் தாழிசெய் தானே.	[ 4]
அப்பணி செஞ்சடை ஆதி புராதனன் முப்புரஞ் செற்றனன் என்பர்கள் மூடர்கள் முப்புர மாவது மும்மல காரியம் அப்புரம் எய்தமை யாரறி வாரே.	[ 5]
Go to top
முத்தீக் கொளுவி முழங்கெரி வேள்வியுள் அத்தி யுரிஅர னாவ தறிகிலர் சத்தி கருதிய தாம்பல தேவரும் அத்தீயி னுள்ளெழுந் தன்று கொலையே.	[ 6]
மூலத் துவாரத்து மூளும் ஒருவனை மேலைத் துவாரத்து மேலுற நோக்கிமுற் காலுற்றுக் காலனைக் காய்ந்தங் கியோகமாய் ஞாலக் கடவூர் நலமாய் இருந்ததே.	[ 7]
இருந்த மனத்தை இசைய இருத்திப் பொருந்திய லிங்க வழியது போக்கித் திருந்திய காமன் செயலழித் தங்கண் அருந்தவ யோகங் கொறுக்கை அமர்ந்ததே. 3,	[ 8]

Thevaaram Link  - Shaivam Link
Other song(s) from this location:
This page was last modified on Sun, 31 Mar 2024 02:36:43 -0400
          send corrections and suggestions to admin @ sivaya.org

thirumurai song